По четврти пат во организација на ЈУ Детски културен центар „Карпош“ со поддршка од Град Скопје, од 07.06 до 17.06. 2023 година го организираше и реализираше фестивалот на детската креативност „Трамболини“.
Во организација на ЈУ Детски културен центар „Карпош“ со поддршка од Град Скопје по трет пат, од 09.06 до 20.06. 2022 година се организираше и реализираше фестивалот на детската креативност „Трамболини“. Низ многуте работилници кои минаа низ овој детски фестивал се ширеше среќа, радост, задоволство и многу креативност.
Од 16.6 до 25.6.2021 година ЈУ Детски културен центар - „Карпош“ втор пат ќе го организира и реализира „ФЕСТИВАЛОТ НА ДЕТСКАТА КРЕАТИВНОСТ - ТРАМБОЛИНИ“. Отворање на детскиот фестивал е на 16 јуни (среда) во Градски парк - Школка, почеток 18:00 часот.
ЈУ ДКЦ - „Карпош“ за време на овие несекојдневни околности за прв пат организира „ФЕСТИВАЛОТ НА ДЕТСКАТА КРЕАТИВНОСТ - ТРАМБОЛИНИ“. Ова е прв фестивал од ваков тип во нашата држава, каде преку едукативни и креативни работилници ќе ја развие креативноста и љубопитноста кај децата.
Креативноста е клучна компонента на здравјето и среќата и една од основните вештини која треба да ја развиваме кај децата. Таа не е ограничена единствено на уметничките и музичките изрази, туку е и од суштинско значење и за природните науки, социјалната и емоционалната интелигенција. Креативните луѓе се пофлексибилни, подобро се справуваат и ги решаваат проблемите, што пак од друга страна ги чини поспособни да се прилагодуваат на технолошкиот развој и промени..
