Зошто е важно децата да ги посетуваат овие работилници?

Традиционално, филозофијата се претставува како тешка и апстрактна дисциплина, типична за привилегираните умови и не е погодна за мали деца. Ништо не може да биде подалеку од вистината. Филозофијата нè учи да размислуваме, да се прашуваме, да извлекуваме заклучоци, да применуваме критички одговор на секојдневните проблеми.

И, ако внимателно размислиме за тоа, зарем тоа не го прават децата од многу рана возраст? Децата се раѓаат со вродена љубопитност да го запознаваат светот околу нив и првите години од животот ги поминуваат прашувајќи зошто?... зошто?... зошто.

Затоа, децата се потенцијални филозофи, способни да стават во прашање практично сè и да најдат изненадувачки одговори на прашањата што се појавуваат.

Кои се придобивките од работилниците за детска филозофија?

Придобивките од работилниците се рефлектираат во сите области на знаење. Од тука преку работилниците децата ќе:

• • Научат да бидат критични и рефлексивни
  • Да размислуваат за себе од многу рана возраст, зајакнувајќи ја нивната автономија и обезбедувајќи им алатки за никој да не мисли за нив.
  • Научат да поставуваат прашања, да истражуваат, да формулираат хипотези и да носат заклучоци.
  • Генерираат механизми за аргументација
  • Го подобрат својот речник, пишувањето и изразувањето на идеи.

Тоа ќе им овозможи да се распрашуваат за тоа кои се и ги зајакнува емоционалната интелигенција со запознавање на себе си подобро.

Како да ги заинтересираме децата и младите да дојдат на работилниците?

Во филозофијата грешката не е казнета туку е извор на учење. Кога прават грешки, децата размислуваат зошто нешто не е валидно и бараат решенија за да го изменат. Ова има многу важна образовна вредност и овозможува да се зголеми самодовербата кај децата.

Одлична можност е преку работилниците да се провери нивната природна љубопитност и да се искористи за да истото се претвори во алатка за размислување.

Поставувањето на отворени прашања кои поттикнуваат размислување се одличен начин да се започне со детската филозофија.

Користењето на алатки како уметност, игри или приказни се дел од работилниците за детска филозофија.

Преку уметност, децата можат да опишат што гледаат и што им пренесува некое дело. Ќе бидат охрабрени да создаваат свој цртеж, скица, дело... засновано врз нивната фантазија, идеи и мисли.

Приказните се моќна алатка и имаат за цел да ги научат децата да бидат критични, да ги стимулираат да си поставуваат прашања и да се обидат да одговорат на нив.

Игрите се суштински извор за учење да се прави детска филозофија. Играјќи игри се забавуваме, учиме и развиваме различни вештини и способности.

 Работилниците се одржуваат секој четврток од 18:00 до 19:00 часот во просториите на ДКЦ – Карпош.

Со работилниците раководи дипломиран филозоф Бојан Тодоровски.

ПРЕВЗЕМЕТЕ - ДОГОВОР ЗА КУЛТУРНО-ОБРАЗОВНА СОРАБОТКА - детска филозофија

ПОВРЗАНИ СОДРЖИНИ