Од 13 до 15 ноември 2020 година, Детскиот културен центар - „Карпош“ и Град Скопје, организираат интернационален фестивал и натпревар на народни и класични инструменти „ИНСТРУМЕНТИТЕ НА МОИТЕ ПРЕДЦИ“ - 2020 - „ЕТНО ПРИКАЗНА“.

За таа цел ЈУ.Детски културен центар - „Карпош“ бара лица со соодветно стручно искуство од оваа област за следните позиции кои ќе бидат ангажирани со авторски договори.

• Уметнички директор 1 (еден)

Уметничкиот директор има задача и обврска да пронајде и предложи реномирани инструменталисти и групи, педагози од земјата и странство за концерти, жири комисии и мастер часови и работилници.

Уметничкиот директор има задача и да ја организира и реализира целокупната манифестација, како и други активности и дејствија кои ќе придонесат за унапредување на квалитетот, угледот и популаризацијата на манифестацијата.

Напомена: Учесниците на Јавниот повик треба да достават до нашата установа биографија за учество во реализација на сценско-музички настани, мотивациско писмо и предлог активности кои би се реализирале за време на фестивалот и натпреварот.

Јавниот повик е даден на 30.1.2020 година и трае до 6.2.2020 година, и трае 8 дена од денот на објавувањето.

Контакт телефон: 02 / 3228 – 111