Манифестацијата „ДВИЖИ СЕ ЗА ЗДРАВЈЕ“ традиционално се одржува во склоп на „Европската недела на движењето“ од 16 до 22 септември секоја година.
Целта на оваа манифестација е да се потсетиме кога вежбањето беше забавно. Тоа може повторно да биде така доколку ни се придружите нам и на милион останати низ Европа во „НЕДЕЛАТА ЗА ДВИЖЕЊЕ“.
Низ целата „недела на движењето“ ќе ја откриете чистата забава во трчањето, скокањето, качувањето и танцувањето додека сите сме активни заедно.
Манифестацијата е од забавно рекреативен карактер и подразбира вежби за подобрување на моторичкиот развој кај децата од рана предучилишна возраст, и сите ние ќе се потсетиме дека вежбањето е еден од главните фактори за правилен развој и раст кај децата, начин за подобрување на моторичкиот развој уште од рана предучилишна возраст, воедно ги учиме децата да стекнат навика да се занимаваат со спорт.
Децата преку вежбањето, движењата, ќе ја откријат брзината и вештината во поминување на поставените полигони, возењето велосипед, тротинет и други спортски активности кои ги подготвивме за нив.
