„Детска радост во Карпош“ е целодневен летен престој организиран од ЈУ. Детскиот културен центар Карпош, наменет за деца на возраст од 7 до 11 години.
Програмата нуди безбедно, инспиративно и креативно катче каде децата имаат можност да го исполнат своето лето со уметност, музика, спорт и забава, преку организирани активности во топла и пријателска атмосфера.
Во текот на денот, децата ќе учествуваат во разновидни активности како: балет, фолклор, гитара, пинг понг, шах, цртање, кино-проекции, квиз, филозофска работилница, караоке забава, бонтон-Култура на однесување, ботаника, читање лектира, правење мозаик од природни материјали, везење, етно креативно катче, учење на работа на 3Д принтер, работилница за етнолошки и етнокореолошки работилници итн, распределени по забавен и динамичен распоред. Програмата е внимателно осмислена за да поттикнува слобода на изразување, двигателен развој, логичко размислување и креативна комуникација меѓу децата.
Цел на програмата:
Целта на „Детска радост во Карпош“ е:
• Да обезбеди содржајно, безбедно и квалитетно лето за децата.
• Да ја поттикне креативноста, двигателната активност и тимскиот дух.
• Да развие нови вештини преку културно-уметнички и спортски активности.
• Да создаде пријателства и доживувања кои децата ќе ги паметат со насмевка
