Детскиот културен центар „Карпош“ ја организираше традиционалната манифестација„Движи се за здравје“, настан кој е дел од богатата културна понуда на Град Скопје како Европска престолнина на културата 2028.
Манифестацијата „Движи се за здравје“ се одржа на 21.09.2023 година во Градскиот парк–фонтана „Лотосов цвет“ со почеток во 10 часот, со децата од предучилишните установи. Децата имаа можност преку вежбањето и вештото поминување на поставените полигони, возењето велосипед, тротинет и другите спортски активности да го развијат спортскиот дух и да научат секојдневно да практикуваат спортски активности.
Целта на овие активности е да ги поттикне децата уште од најмала возраст правилно да растат и да се развиваат и да ги подобруваат моторичките способности, но и да стекнат здрави навики за редовно спортување.
Манифестацијата „Движи се за здравје“ се одржува во рамките на Европската недела на движењето која се одвива од 16.09. до 22.09.2023 година.
Манифестацијата „ДВИЖИ СЕ ЗА ЗДРАВЈЕ“ традиционално се одржува во склоп на „Европската недела на движењето“ од 16 до 22 септември секоја година.
