Детскиот културен центар - „Карпош“ и оваа година традиционално ја организира манифестацијата посветена на предучилишните установи, во чест на градот Скопје, „ГО ГРАДАМ МОЈОТ ГРАД“ - 2015.
Оваа манифестација има за цел да ги истакне детските творечки способности, детската креативност, а воедно и поопширно да ги запознае децата со денот 13 Ноември и неговото значење за градот во кој живеат.
Секоја градинка како и секоја година ќе ја претставува екипа од 5 деца, а објектот кој ќе се гради е по нивен избор, како и градежниот материјал што ќе го користат (коцки, цртежи, природни материјали како лисја, дрвца и друго).
Манифестацијата „Го градам мојот град“ - 2016 ќе се одржи во просториите на Детскиот културен центар – „Карпош“ на 12 ноември (четврток) со почеток од 10:00 до 11:00 часот.
Манифестацијата „ГО ГРАДАМ МОЈОТ ГРАД“ е креативно едукативна манифестација за предучилишните установи, се организира по повод 13 Ноември, денот на ослободувањето на град Скопје.
