По повод Денот на здравјето на тартан патеката во Градски парк по четврти пат се собраа децата од скопските градинки кои успешно ја истрчаа крос трката.
На спортската манифестација учествуваа деца од 10 градинки од Скопје.
Крос трката на која децата трчаа на 250 метри во мешана категорија, момчиња и девојчиња се одржа на тартан патеката во Градскиот парк. Покрај трката имаше и штафетно трчање на 200 метри (4×50 метри).
Целта на оваа манифестација е да ја одбележиме Меѓународната недела на здравјето и да се испрати порака – Спортувај, спортувањето и здравиот начин на живеење ќе придонесат за долг и здрав живот.
По повод 7 ми Април, Меѓународниот ден на здравјето Ј.У. Детски културен центар - „Карпош“ во 2022 година за прв пат ја организираше КРОС ТРКАТА.
