ЈУ Детски културен центар - „Карпош“ и оваа година традиционално има во план, но на поинаков начин, да ја организира манифестацијата „ЦРТАЊЕ НА АСФАЛТ“ - 2020, по повод 24 мај, денот на македонските просветители Св. Кирил и Методиј.
Поради ситуацијата во која се наоѓа нашиот град Скопје и државата, решивме манифестацијата да ја одржиме преку испраќање цртежи или кратки видеа, на нашата елетронска пошта dkckarpos1@gmail.com.
За да ја одржиме успешно оваа манифестација како и изминатите години, децата од предучилишна возраст односно, од градинките, треба да нацртаат убави, весели и креативни цртежи по слободен избор или пак на тема која ним им одговара и со нивните творби како и досега да ја изразат својата креативност и фантазија.
Ако сакаат и имаат дозвола од своите родители децата може да снимаат и кратко видео, но тоа ви го оставаме вам како институција - Детска градинка, во зависност на вашите правила и можности.
Цртежите може да бидат нацртани надвор на плочник (со креди), во двор, на хартија или на други места кои им се достапни, односно на места кои им одговараат ним и на нивните родители. Како и секоја година градинките кои ќе учествуваат ќе добијат благодарници за учество, кои ќе ги изработиме ние и ќе ви ги испратиме на вашата електронска пошта.
Творбите од децата на нашата електронска пошта можете да ги испраќате до 21 - 22 мај за да можеме убаво да ги средиме и да ги поставиме на нашите ФБ и ВЕБ страни.
ЈУ Детски културен центар - „Карпош“ секоја година традиционално ја организира манифестацијата „ЦРТАЊЕ НА АСФАЛТ“, наменета за децата од градинките во Скопје и околината.
