По четврти пат во организација на ЈУ Детски културен центар „Карпош“ со поддршка од Град Скопје, од 07.06 до 17.06. 2023 година го организираше и реализираше фестивалот на детската креативност „Трамболини“.
Преку едукативните и креативни работилници Фестивалот на детска креативност „Трамболини“ 10 дена ја развиваше креативноста, креативните вештини, фантазијата и љубопитноста кај децата.
Фестивалот се реализираше со деца, кои беа на возраст од 7 до 17 години, кои преку електронски пријави и информации од социјалните мрежи се пријавуваа за учество во работилниците. Низ работилниците минаа повеќе од 150 деца.
Со разновидните работилници ги поттикнавме децата да ги изразат сите квалитети од областа на театарот, ликовната уметност, личен развој, природни науки, филмски проекции, изложби...
Во склоп на фестивалот се одвиваше, ликовни работилници, Г-дин Бушавко, мали Алхемичари, Личен развој, Вредни ботаничари, Креативни торбички, Мјузикл „Малата сирена“ , Мали археолози, Кино дворче, Временски патници, Изработка на моден детал од глина.
Како наши соработници на фестивалот и оваа година се јавија: МКЦ-Кино Фросина, Музеј на современа уметност, Археолошкиот музеј – Скопје, Локалитет Тумба Маџари, ПМФ-Ботаничка градина кои ги отворија вратите за учесниците на манифестацијата, како и Кинотека на Република Северна Македонија.
ПОСЕТЕТЕ НÉ НА: 
ТРАМБОЛИНИ
Креативноста е клучна компонента на здравјето и среќата и една од основните вештини која треба да ја развиваме кај децата. Таа не е ограничена единствено на уметничките и музичките изрази, туку е и од суштинско значење и за природните науки, социјалната и емоционалната интелигенција. Креативните луѓе се пофлексибилни, подобро се справуваат и ги решаваат проблемите, што пак од друга страна ги чини поспособни да се прилагодуваат на технолошкиот развој и промени..
