ЈУ Детски Kултурен Центар - „Карпош" со поддршка од Град Скопје од 9 до 12 мај 2019 год. е организатор на меѓународниот фестивал на класична гитара „Тремоло". Фестивалот е развиен во културен настан што ги обединува љубителите на класичната гитара, студенти, наставници, не само во Скопје и Р.С Македонија, туку и пошироко.

Со текот на годините фестивалот прерасна во престижен настан кој сведочи за присуството и појавата на сé поголем број светски познати уметници специјализирани за класична гитара, а тоа се одразува на прогресивноста на настанот кој секоја година се надминува. Со успешна реализација на Фестивалот „Тремоло", Детскиот Културен Центар - „Карпош" дава голем стимул и поддршка за развој и промоција на овој вид на уметност во земјата.

Оваа година се навршуваат 10 години јубилеј од постоење на овој престижен фестивал, со надеж дека ќе го достигнеме нивото по примерот на светските фестивали.

На задоволство на публиката и годинава ќе се одржат три концерти:

• На 9 мај од 20:00 часот - Свечено отворање - МКЦ (клуб и ресторан),
• На 10 мај од 20:00 часот - Македонска филхармонија (мала сала),
• На 11 мај од 20:00 часот - „Културно информативниот центар“ - Салон 19.19,.
• На 12 мај од 19:00 часот - Свечено затворање на фестивалот и доделување награди - „Културно информативниот центар“ - Салон 19.19..

За победниците се предвидени вредни награди.

Влезот на сите концерти е бесплатен .

Покрај концерти ќе се одржи и интернационален натпревар за класична гитара во сите ученички, средношколски и студентски категории и мастер часови.

Оваа година членови на жирито, кои ќе одржат и мастер часови, се прочуените гитаристи:

• Бојан Ивановски - Србија;
• Вилијам Џенкс - САД;
• Никлас Јохансен - Данска;
• Бошко Радојковиќ - Србија;
• Столина Добрева - Бугарија;
• Ерхан Мујка - Косово;
• Дарко Багески - Република Северна Македонија;
• Борче Наумоски - Република Северна Македонија.

Фотографии од манифестацијата можете да погледнете на нашата веб страна на: Галерија - „ТРЕМОЛО“ 2019 ...

ПОВРЗАНИ СОДРЖИНИ

ПОСЕТЕТЕ НÉ НА:  ТРЕМОЛО

Веб страна на ТРЕМОЛО.