ЈУ. Детски културен центар-Карпош за прв пат има во план да реализира проект со наслов „ЗОО приказни“.
Зоо приказни е едукативен книжевен проект каде пишаниот збор има цел да ја подигне свеста кај децата кои преку приказна би ги запознале животните кои се наоѓаат во нашата Зоолошка градина.
Преку едукативни приказни, ќе им ги доближиме на децата елементите за грижа за животните кои се раритет во ЗОО градина.
Приказните кои ќе бидат напишани за животните кои се жители во Зоолошката градина ќе можат да служат како наставно средство како во предучалишните установи така и во основните училишта на територијата на Град Скопје.
Проектот „Зоо приказни“ би содржел 6 изданија со по пет приказни за животните, жители на Зоолошката градина-Скопје каде би се одржала и промоцијата на овој проект. Приказните ќе ги читаат деца кои се членови на секциите на ДКЦ Карпош.
Со интересни приказни за животните, за тоа како ги чуваат што јадат, во какви услови живеат, децата и публиката ќе имаат можност да слушнат и да научат од зоонегователите.
Манифестацијата „ОРО БЕЗ ГРАНИЦИ“ е меѓународен детски фолклорен фестивал, прв пат одржан во 1991 година.
