Детски културен центар - „Карпош“ и Град Скопје на 1 април 2013 год. (понеделник) во 11:00 часот на плоштад Македонија, ќе ја организира манифестацијата од ликовен и сценско забавен карактер „АПРИЛИЈАДА - СКОПЈЕ СЕ СМЕЕ“ - 2013, која се одржува по повод денот на шегата и лагата.
Манифестацијата прв пат е одржана 2008 година. Во рамките на манифестацијата се приредува изложба на детски шеговити цртежи, маски и карикатури. Манифестацијата се одржува на плоштад Македонија и има два дела, детски дневен дел и вечерен дел за граѓаните на Скопје.
Се приредува пригодна културно забавна програма со познати учесници од естрадата и деца со песни од детските фестивали како и претставување и наградување на најуспешните индивидуални и групни маски.
На 1 април 2013 год. (понеделник) во 11:00 часот, на плоштад Македонија, Ве очекува невидена детска журка наменета за сите училишта, градинки и деца на градот Скопје, забава со маски, кловнови, балони, песнички, игри, забава со фолклорната секција на ДКЦ - „КАРПОШ“, „Златно славејче“, танцови групи од основните училишта од градот Скопје и околината.
Бонус ноќна забава од 21:00 часот, на плоштад Македонија со Роберт Билбилов, Александар Митевски, Симона Поповска, Мустафа Имери, Ребис.
Маскирани посетители ќе продефилираат на сцената. Ќе има и други изненадувања, но да не откриваме сé, а за крај Диџеј БАБУРА. Забава за сите големи деца во Скопје од ДКЦ - „Карпош“ и Град Скопје.
Водители на забавата: Марија Петровска и Кирил Поп Христов.
„АПРИЛИЈАДА“ е манифестација од ликовен и сценско забавен карактер што Детскиот културен центар - „Карпош“ со помош и поддршка на Град Скопје ја организира и спроведува секоја година на 1 април по повод денот на шегата, смеата и лагата, под мотото „Скопје се смее“.
