ЈУ Детски културен центар - „Карпош“ заедно со град Скопје и оваа година традиционално ја организира манифестацијата „ЦРТАЊЕ НА АСФАЛТ“ - 2017, по повод денот на македонските просветители Св. Кирил и Методиј, во која учество ќе земат сите градинки од Скопје.
Манифестацијата ќе се одржи во Градскиот парк (позади фонтаната) кај споменикот на Гоце Делчев на 23.5. 2017 година (вторник) со почеток во 10:30 часот.
ДКЦ „Карпош“ ќе обезбеди материјали за цртање (креди во боја), пригодна програма, запознавање на децата кое е значењето и зошто се одбележува овој голем ден како празник. За учесниците ќе има симболични награди и дипломи за градинките учеснички на манифестацијата.
Децата од предучилишните установи, градинките ќе можат да ја изразат својата креативност со своите цртежи кои ќе бидат по слободен избор.
ЈУ Детски културен центар - „Карпош“ секоја година традиционално ја организира манифестацијата „ЦРТАЊЕ НА АСФАЛТ“, наменета за децата од градинките во Скопје и околината.
