Оваа година од 4 до 5 јуни за прв пат се одржа „Фестивал на детски мјузикли“ организиран и реализиран од ЈУ. Детски културен центар –Карпош под покровителство на Град Скопје и Младински културен центар-МКЦ.

Овој проект е наменет за деца и млади кои поседуваат исклучителен талент за пеење, глума и танцување. Низ серија аудиции се избираат талентирни деца и млади за учество во детски мјузикл на македонски јазик.

Целта на овој проект е да се афирмира пеење, глума и танц во едно, да се негуваа вокалната техника кај децата и да се едуцира младата популација за вреднување на сопствените културни вредности од обласата на детските мјузикли и секако за крај, можност за избор на идна професија
Публиката на 4 јуни од 19:00 часот во кино Фросина уживаше во мјузиклот „Приказната за генијалната Матилда“, која беше изведена на македонски јазик од талентираните членови на Студиото за детски и младински мјзуикли Бродвеј Јуниор од Скопје и членовите на хорот од ДКЦ - Карпош.
Мјузиклот „Кралот лав“ кој беше изведен на 05.06. од 19:00 часот исто така во кино Фросина беше изведен на англиски јазик со нашите гости од интернационалното училиште QSI Скопје.
Веруваме дека овој фестивал ќе расте од година во година и ќе прерасне во меѓународен настан.