Во Градски парк, на ШКОЛКА, од 18:30 до 19:30 часот, на 17.5.2021 година, ЈУ Детски културен центар - „Карпош“ со поддршка од Град Скопје, ја организираше и реализираше промоцијата на новото ЦД со уште 10 нови, детски хорски песни, изведени од детскиот градски хор „ГЛАСОТ НА ДЕЦАТА НА СКОПЈЕ“.
Детскиот градски хор „Гласот на децата на Скопје“ кој се формираше минатата година се зголеми и стана поброен со талентирани деца.
Оваа година настанот односно првата песна започна со заедничка изведба на хорот „Гласот на децата на Скопје“ со нашите познати уметници Александар Митевски и Драган Спасов Дац, кои заедно со децата ја отворија промоцијата на новото ЦД.
Секоја песна што беше изведена од хорот децата ја промовираа со интересна кореографија. Публиката, а особено децата кои го следеа настанот уживаа во секоја изведена песна, пееја заедно со децата од хорот и успеаа да ја научат и кореографијата на песните. Глетката беше прекрасна, децата од публиката пееја и играа на секоја песна и сета изведба се претвори во голема забава.
Уште едно ЦД и уште еден доказ дека децата ја сакаат хорската музика.
Поради пандемијата од Ковид 19 на промоцијата присуствуваше ограничен број публика која се придржуваше на сите мерки кои им беа нагласени.
ПОСЕТЕТЕ НÉ НА: 
ГЛАСОТ НА ДЕЦАТА НА СКОПЈЕ
Колективното или хорско пеење има длабоки корени во историјата на човештвото. За него дознаваме посредно, со помош на компаративната музикологија. Преку хорското детско пеење се добива синкретички карактеристики - поврзување со игра и движења кај децата која има исклучително функционална улога, за развој на здрави личности.
