Детски културен центар - „Карпош“ - Скопје, во соработка и со поддршка на Град Скопје, за прв пат во Скопје и Македонија, под мотото „Возиме кон иднината“ ќе ја организира ролер трката „РОЛЕРИЈАДА“ 2012.
Во оваа спортска манифестација ќе учествуваат сите основни училишта од градот и околинатa со учесници од по 15 момчиња и 15 девојчиња, на возраст од петто до осмо одделение.
Манифестацијата ќе се организира на 6 април (петок), во 11 часот по повод Денот на здравјето, за да ја потврдиме изреката „Во здраво тело, здрав дух“.
Стартната позиција ќе биде на бул."Илинден", од пред фонтаната на Градскиот парк и ќе се движи до бул „8 ми Септември“ и назад
Во ролеријадата ќе бидат доделени 3 награди за најуспешните ученици,а воедно ќе бидат наградени и училиштата.
РОЛЕРИЈАДА е движење за сите кои сакаат рекреација и здрав живот. Целта на оваа рекреативна манифестација е развивање на спортскиот дух на нашите најмлади, како и создавање навика за спортување.
