Детскиот културен центар - Карпош од Скопје, седми пат годинава организираше Ролер трка, наречена „Возиме кон иднината“. Манифестацијата се организираше на 25 април 2018 година со почеток во 12 часот. Стартната позиција на оваа манифестација беше на бул. „Илинден“, пред фонтаната на Градскиот парк и се движеше до бул. „8 Септември“ и назад.
Во трката беа поканети и учествуваа сите основни училишта од градот и околинатa,а учесниците беа на возраст од петто до осмо одделение.
Трките беа поделени во две категории и тоа трка за момчиња и трка за девојчиња, каде најуспешните учесници од двете категории беа наградени.
Признанија се поделија и на училиштата од каде беа пријавени учесниците.
РОЛЕРИЈАДА е движење за сите кои сакаат рекреација и здрав живот. Целта на оваа рекреативна манифестација е развивање на спортскиот дух на нашите најмлади, како и создавање навика за спортување.
