Детскиот културен центар – „Карпош“и Град Скопје, годинава по шести пат ќе организира „Ролер трка 2017“, наречена “Возиме кон иднината“. Во оваа спортска манифестација ќе учествуваат училиштата од градот и околината. Манифестацијата ќе се организира на 21 април (петок) 2017, во 12 часот.
Целта на оваа рекреативна масовна акција е развивање на спортскиот дух на нашите најмлади, како и создавање навики за спортување. Со мислата во здраво тело, здрав дух, сакаме да ги анимираме нашите најмлади да ги засакаат ролерите и да го развијат духот на масовна дружба.
Со унапредувањето на ролер спортот, градот ќе се збогати со уште една масовна манифестација, со тенденција да прерасне во традиционална. Во оваа спортска манифестација ќе учествуваат сите основни училишта од градот и околинатa со учесници од по 15 момчиња и 15 девојчиња, на возраст од петто до девето одделение.
Манифестацијата ќе се организира на 21 април (петок) 2017, во 12 часот.
Стартната позиција ќе биде на бул. „Илинден“,пред фонтаната на Градскиот парк и ќе се движи до клучката на бул. „Илинден“ со ул. „Никола Тесла“ (кај ЈП Паркови и зеленило).
На Ролеријадата ќе бидат доделени по 3 награди за најуспешните ученици во машка и женска категорија .
РОЛЕРИЈАДА е движење за сите кои сакаат рекреација и здрав живот. Целта на оваа рекреативна манифестација е развивање на спортскиот дух на нашите најмлади, како и создавање навика за спортување.
