ЗОО АЗБУКА 3 на 31.05.2021 ја доживеа својата промоција на третото издание на музичкото ЦД со пет нови песни како и едукативната боенка.
ЈУ Детски културен центар - „Карпош“ направи незаборавна промоција во скопската Зоолошка градина каде што талентирани деца ги отпеаа песните за животните.
За секоја од песните се сними и видео запис, како би можела нашата детска публика да ги има и истите да ги гледа и во видео издание.
Ова трето издание ги опејува животните: Т – тигрици, В – верверички, Д – двогрба камила, П – пингвини, Е – Ему.
Исто така се создаде едукативна боенка која изобилува со колоритност и е примамлива за најмладите, а во склоп на боенката се наоѓа и нотна тетратка која може да се користи како нагледно средство во наставата по музичко образование, ликовно образование и македонски јазик како наставни предмети.
Изгледот на боенката, како и омотот на ЦД се впечатливи и интересни за децата и претставуваат една целина.
Со самото автентично промовирање во Зоолошката градина, предизвикавме голем број позитивни реакции од публиката која не следеше на настанот.
Со нова енергија и уште поголема инспирација подготвени сме за следното издание.
ИЗВЕДУВАЧИ - ДЕЦА НА ЗОО АЗБУКА 3:
- Веда Кузмановска – Ему
- Јоана Тодоровска – Пингвини
- Лина Лалчевска – Верверички
- Ненад Пепељуговски Десовски – Тигрици
- Јована Јоргушеска – Двогрба камила
ПОСЕТЕТЕ НÉ НА: 
ЗОО АЗБУКА
ЗОО АЗБУКА е мултимедијален музичко едукативен проект кој преку музика и ликовна уметност има цел да ја подигне свеста кај децата, за животните кои се наоѓаат во нашата Зоолошка градина.
