Детски културен центар „Карпош“ со поддршка на Град Скопје успешно го промовираше и реализираше мултимедијалниот проект насловен како „Зоо Азбука 4“.
Проектот беше реализиран во „Зоолошка градина“ на 03.06.2022 година од 12.00 часот. На промоцијата беа изведени песните од новото четврто издание на музичко едукативно ЦД со 5 нови песни и боенка.
Промоцијата на „Зоо Азбука“ 4, на наше големо задоволство се реализираше успешно исто како и изминатите три изданија ЗОО Азбука 1, 2 и 3.
Четвртото издание со пет нови песнички за животните: бизон, гибон, јагуар, рис и окапи, животни кои се жители на Зоолошката градина.
Песничките беа испеани од пет талентирани деца, а како придружбата на промоцијата учествуваше и хорот на ДКЦ „Карпош“, „Гласот на децата на Скопје“.
Како гости оваа година беа децата од градинката СВЕТОТ НА КОЛОРЕС, како и децата посетители кои се најдоа во тој момент во Зоолошката градина. Сите тие имаа можност да цртаат и бојат во новата боенка од ЗОО азбука 4 и да уживаат во новите рефрени за уште 5 животни.
ПОСЕТЕТЕ НÉ НА: 
ЗОО АЗБУКА
ЗОО АЗБУКА е мултимедијален музичко едукативен проект кој преку музика и ликовна уметност има цел да ја подигне свеста кај децата, за животните кои се наоѓаат во нашата Зоолошка градина.
