По повод меѓународниот ден на жената - 8 март, Детскиот културен центар - „Карпош“ со помош и поддршка на Град Скопје го организира музичко - креативниот настан „ИГРАМ И ПЕАМ ЗА МОЈАТА МАЈКА“ како честитка за 8 март.
Преку танц, музика, цртање, сликање и литературно творење секоја година се одбележува овој празник.
Секоја година се организира традиционалната изложба на деца од предучилишните установи на тема „Цртам за мојата мајка“.
Најмалите, децата од градинките, изработуваат, честитки и цртежи поврзани со темата: мајка, жена во кои се гледа нивната креативност и фантазија за тоа како си ги замислуваат своите мајки, жената и која е нејзината улога во нивниот живот.
За децата од градинките се организира пригодна програма и секоја година на оваа манифестација имаме гостин, тоа е жена, мајка, сопруга, која раскажува за нејзината работа и професија, односно ќе докаже дека секоја жена може да биде успешна во секоја професија за која ќе се определи.
Манифестацијата „ОРО БЕЗ ГРАНИЦИ“ е меѓународен детски фолклорен фестивал, прв пат одржан во 1991 година.
