Детски културен центар - „Карпош“ и Град Скопје на 1 април 2017 год. (сабота) од 11:00 до 13:00 часот на плоштад Македонија, традиционално како и секоја година, ќе ја организира манифестацијата „АПРИЛИЈАДА - СКОПЈЕ СЕ СМЕЕ“ - 2017, наменета за сите училишта, градинки, деца, тинејџери и граѓани на град Скопје.
Очекувајте невидена детска журка со маски, кловнови, балони, песнички, игри, забава со секцијата за модерен балет и фолклорната секција на ДКЦ - „КАРПОШ“, „Златно славејче“, танцови групи од основните училишта од градот Скопје и околината, Албански детски фестивал.
Манифестацијата АПРИЛИЈАДА - „Скопје се смее“ 2017 е поддржана од Град Скопје и ќе ја прогласи отворена градоначалникот на градот Скопје, г-дин Коце Трајановски.
ДКЦ - „КАРПОШ“, КАКО И СЕКОЈА ГОДИНА ОБЈАВУВА КОНКУРСИ ДО ОСНОВНИТЕ УЧИЛИШТА ЗА НАЈДОБРА МАСКА И КАРИКАТУРА ЗА КОИ СЛЕДУВААТ ВРЕДНИ НАГРАДИ И ДИПЛОМИ КОИ СЕ ДОДЕЛУВААТ ВО ДКЦ - „КАРПОШ“, А ВО ВЕЧЕРНИОТ ДЕЛ НА МАНИФЕСТАЦИЈАТА НА БИНАТА ЌЕ ПРОДЕФИЛИРААТ СО ГРУПНИ МАСКИ УЧЕНИЦИ ОД СРЕДНИТЕ УЧИЛИШТА ОД СКОПЈЕ И ОКОЛИНАТА, А ЗА НАЈДОБРА ГРУПНА МАСКА СЛЕУВА ВРЕДНА НАГРАДА.
Бонус ноќна забава од 20:00 часот, исто така на Плоштад Македонија, со Андријана Јаневска, Мартија Станојковиќ, Влатко Илиевски, Александар Тарабунов, Лаура Крлиу, групата BRASS BROTHERS.
Маскирани посетители ќе продефилираат на сцената. Ќе има и други изненадувања, но да не откриваме сé, а за крај Диџеј. Забава за сите големи деца во Скопје од ДКЦ - „Карпош“ и Град Скопје.
Водител на забавата: Влатко Илиевски.
„АПРИЛИЈАДА“ е манифестација од ликовен и сценско забавен карактер што Детскиот културен центар - „Карпош“ со помош и поддршка на Град Скопје ја организира и спроведува секоја година на 1 април по повод денот на шегата, смеата и лагата, под мотото „Скопје се смее“.
