ЈУ. Детски културен центар „Карпош“ со поддршка на Град Скопје и Министерство за култура на РС. Македонија и оваа година го реализираше единствен кај нас „Фестивалот на класичен балет и модерен танц“. Љубителите на балетската уметност и модерниот танц на 07 и 08 јуни 2024 година, во Македонскиот народен театар-МНТ, можеа да уживаат во реализацијата на четвртото издание на овој фестивал кој во две вечери со прекрасни танци на класичен балет и модерен танц, ја крена публиката на нозе.
По трет пат годинава на 12 и 13 јуни 2023 год. се одржа Фестивалот за класичен балет и модерен танц, единствениот од ваков тип кај нас. . Фестивалот е во организација на ЈУ. Детски културен центар – Карпош со поддршка на Градот Скопје.
Во полн ек се подготовките за второто издание на Фестивалот за класичен балет и модерен танц кој ќе се одржи од 14 – 16.06.2022 во организација на ЈУ. Детски културен центар – Карпош и поддршка на Градот Скопје.
Овој фестивал е единствен од ваков тип кај нас, кој е референтна точка за сите вљубеници во балтеската уметност.
Од 5 до 7 јуни 2021 година во градско Kино Mилениум се реализираше првото издание на Фестивалот за класичен балет и модерен танц во организација на Детскиот културен центар - „Карпош“.
Концепираноста на фестивалската програма во основа ја поддржува разноликоста која се сретнува во воспитно - образовниот процес во танцовите секции. Таа разноликост опфаќа широк спектар како класичен балет така и мноштво од современи стилови.
