Во Зоолошката градина-Скопје на 20 септември 2024 година во 12:00 часот се реализираше последното издание и незаборавна промоција на музичко – едукативниот проект насловен како ЗОО Азбука. Со 5 нови песни за 5 животни кои се жители на Зоолошката градина-Скопје и кои наскоро ќе се најдат на новиот YouTube канал, се промовираше последното 6-то издание од овој мултимедијалниот проект на кој главен покровител е Град Скопје.
И оваа година Детски културен центар „Карпош“ со поддршка на Град Скопје успешно го промовираше и реализираше мултимедијалниот проект насловен како Зоо Азбука 5.
На наше големо задоволство Зоо Азбука 5 се реализираше успешно исто како и изминатите четири изданија ЗОО Азбука 1,2,3 и 4.
Детски културен центар „Карпош“ со поддршка на Град Скопје успешно го промовираше и реализираше мултимедијалниот проект насловен како „Зоо Азбука 4“.
Проектот беше реализиран во „Зоолошка градина“ на 03.06.2022 година од 12.00 часот. На промоцијата беа изведени песните од новото четврто издание на музичко едукативно ЦД со 5 нови песни и боенка.
ЗОО АЗБУКА 3 на 31.05.2021 ја доживеа својата промоција на третото издание на музичкото ЦД со пет нови песни како и едукативната боенка.
ЈУ Детски културен центар - „Карпош“ направи незаборавна промоција во скопската Зоолошка градина каде што талентирани деца ги отпеаа песните за животните.
За прв пат, ЈУ. Детскиот културен центар - „Карпош“ на 19.6.2020 направи онлајн промоција на своето второ издание на музичко - едукативниот проект насловен како ЗОО АЗБУКА 2.
Се објавија аудиции на кои се избраа деца таленти што ги отпејаа песните за животните од нашата зоолошка градина.
Манифестацијата ЗОО АЗБУКА 1 имаше цел преку музика и ликовна уметност да ја подигне свеста на сите посетители, особено на децата за животните кои се наоѓаат во нашата Зоолошка градина.
Снимени се пет наменски песни за пет животни кои живеат во Зоо градината: Н - нилски коњ, С - слонови, Ж - жирафи, М - мајмуни и К - кенгури.
ЗОО АЗБУКА е мултимедијален музичко едукативен проект кој преку музика и ликовна уметност има цел да ја подигне свеста кај децата, за животните кои се наоѓаат во нашата Зоолошка градина.
